اوعى تدخل احسن يجيلك ضغط

بسم الله الرحمن الرحيم




طبعا محدش فكر قبل كده ايه العلاقة اللى بتربط بين الثانية والزبادى
وعشان كده انا فكرت انى اقولكم على العلاقة بينهم بطريقة علمية ورياضية
ركزوا كده وخليكو معايا
طبعا كلنا عارفين ان ثانية وثانية يبقوا ثانيتين
وكمان عارفين ان ثانيتين +ثانيتين = 4 ثوانى
وحاجة معروفة أن 4 ثوانى + 4 ثوانى = 8 ثوانى
ولو حسبنا 8 ثوانى + 8 ثوانى هيطلعوا = 16 ثانية
ولو فكرنا تانى هنلاقى أن 16 ثانية + 16 ثانية = 32 ثانية
وحاجة كمان 32 ثانية + 32 ثانية = 64 ثانية
ولو طرحنا 4 من 64 ثانية هنلاقيهم 60 ثانية
والحاجة المعروفة عندنا كلنا أن 60 ثانية يبقوا دقيقة
طيب تمام اوى الكلام
ركزوا معايا تانى


دقيقة + دقيقة = 2 دقيقة
2 دقيقة + 2 دقيقة = 4 دقائق
4 دقائق + 4 دقائق = 8 دقائق
8 دقائق + 8 دقائق = 16 دقيقة
16 دقيقة + 16 دقيقة = 32 دقيقة
32 دقيقة + 32 دقيقة = 64 دقيقة
وبردو نفس الحكاية لو طرحنا 4 من ال64 دقيقة هنلاقيهم 60 دقيقة
وبردو عارفين أن 60 دقيقة = ساعة


كويس أوى أوى
طبعا هتقولوا لا مش كويس
عشان لسة معرفناش الحل
هقولكم ركزوا معايا تااااااااااااااانى

ساعة + ساعة = ساعتين
ساعتين + ساعتين = 4 ساعات
4 ساعات + 4 ساعات = 8 ساعات
8 ساعات + 8 ساعات = 16 ساعة
16 ساعة + 8 ساعات = 24 ساعة
و24 ساعة = يوم كامل
بالليل والنهار
وبالفطار والغدا والعشا
و كمان فى 5 صلوات الفجر والظهر والعصر والمغرب والعشاء
ده غير اليوم ده ممكن يكون سبت أو أحد أو اثنين أو ثلاثاء أو اربعاء أو خميس أو جمعه
ما علينا
لحد هنا كويس ؟
لا طبعا مش كويس لأن لسة موصلناش للحل
ما قلت ركزوا بقى


يوم + يوم = يومين
يومين + يومين = 4 ايام
4 ايام + 4 ايام = 8 ايام
8 ايام + 8 ايام = 16 يوم
16 يوم + 16 يوم = 32 يوم
ولو طرحنا 2 من 32 يوم هيطلع 30 يوم = شهر
والشهر ده ممكن يكون يناير أو فبراير أو مارس أو ابريل أو مايو أو يونيو أو يمكن يكون أغسطس أو سبتمبر أو اكتوبر أو نوفمبر أو ديسمبر
وطبعا مش هننسى أن ممكن يكون الشهر ده من الشهور الهجرية
بس مش هكتبها عشان مش عايزة اطول عليكم
أم هند نرجع لموضوعنا

شهر + شهر = شهرين
شهرين + شهرين = 4 شهور
4 شهور + 4 شهور = 8 شهور
8 شهور + 4 شهور = 12 شهر
12 شهر بسلامتهم يكونوا سنة
والسنة دى ممكن تكون سنة كبيسة أو سنة خبيثة أو سنة لئيمة
بس ده مش موضوعنا دلوقتى
ها لسة مركزين ؟
يا رب ميكونش حد نام فى السكة

سنة + سنة = سنتين
سنتين + سنتين = 4 سنين
4 سنين + 4 سنين = 8 سنين
8 سنين + 8 سنين = 16 سنة
16 سنة + 16 سنة = 32 سنة
32 سنة + 32 سنة = 64 سنة
64 سنة + 64 سنة = 128 سنة
128 سنة - 28 سنة = 100 سنة
اللى هما كل سنة وانتو طيبين عقبال ما اشوفكم تكملوهم يا رب يبقوا قرن
طبعا بتقولوا بطلى رخامة بقى وهاتى من الآخر
وعشان كده انا هجيب من الاخر

قرن + قرن = قرنين
القرنين بتوع الجاموسة
اللى هنحلب منها اللبن
اللى هنعمل منه الزبادى

وهى دى العلاقة بمنتهى البساطة والاختصار
إالى هنا انتهت وصلتنا من الرخامة
ألى أن نلتقى فى حلقة جديدة من برنامجنا غلاسة شو
على قناة رخامة تانا مش هتقدر تعيش سليم
السلام عليكم ورحمة الله وبركاته
منقول

بصى يا هند هوة نايس توبيك طبعااااااااااااا
توبيك جميل اوى
بس انا عارف الشلل دا؟؟؟
نايس توبيك
سلامى

كنت تخليك ساكت لازم تقول انك عارفه
دا انت الوحيد اللي بتدخل توبيكاتي
طب حسسني اني عملت حاجة حلوة
ماشي يا اسلام
هههههههههههههههههههههههههه

ههههههههههههههههههههههههههههههههه نايس ياهند بس اعملى حسابك هتجيبيلى كرسى شلل

بعد الشر عنك يا باسم
منور طبعا

هههههههههههههههههههههه
اعملي حسابي في واحد من اللي هتجبيه لباسم
و نايس توبيك يا قمر

هههههههههههههههههههههههههههه
جميله اوى يا هند والله
تسلمى يا جميل

paradise.777 كتب:هههههههههههههههههههههه
اعملي حسابي في واحد من اللي هتجبيه لباسم
و نايس توبيك يا قمر

بعد الشر عنك يا قمر
منورة

nona_albanota كتب:هههههههههههههههههههههههههههه
جميله اوى يا هند والله
تسلمى يا جميل

تسلمي يا نونا ربنا يخليكي
منورة

ربنا يخليكي يا هنودة

انا اتشليت عشان اللى انتى كاتباه
واتعميت عشان شوفته
واتخرصت عشان قرأته
واطرشت عشان كنت سامع كل كلمه بتتقال وانا بقراها
حرااااااام عليكى
انتى ايه الافترا ده
انتى اسيه اوى كده ليه
حرام عليكى نفسك يا بنتى
طب حتى خافى على الناس اللى فى المنتدى
ما هم زى اخواتك برده
بس بصراحه .. عجبتنى مووووووووووووووت

ماشي يا فينيوم
بس انا قولت اوعي تدخل احسن يجيلك ضغط
( بعد الشر عنكم طبعا )
انت بقي دخلت ليه ؟؟؟؟؟؟؟؟؟؟؟؟؟؟؟؟؟؟
سؤال يطرح نفسه علي الطرابيزة

عارفة يا هند أصل الطرابيزة وقتها كانت مكسورة
هههههههههههههههههههههههههههههههه

ايوووووووه
سؤال يطرح نفسه على هند
ليييييييييه دخللللللللت؟؟؟؟؟؟؟؟؟؟

انا قولت كدا برضو يا باراديس
هههههههههه

هههههههههههههههههههههه