اسئله مهمه ..........لوعندك الشجاعه ادخل وجاوب؟؟؟؟؟؟

هناك اسئله عديده فى منا لديه القدره على الاجابه عليها بكل صراحه وبدون كذب

وفى منا لايستطيع الاجابه عليها لانه بكل سهوله غير صريح مع نفسه

مش هطول عليكوا ولكن انا هطرح اسئله هامه اكيد مرت على كل واحد فينا

فى حياته العامه او الشخصيه ......

واتمنى منكم المشاركه والاجابه على هذه الاسئله وبكل صراحه

ويارب الموضوع ينال اعجابكم

اول سؤال:_



مارائيك انت /انتى فى ملابس البنات اللى بنشوفهم فى الجامعه (المتبهرجين)؟؟؟؟؟

طبعا يا كوكى احيكى على التوبيك الجميل جدا دا
وانا نفسى فعلا اننا نفتح موضوع وصفحه كامله ونحارب الحكايه دى لدرجه انى كنت بفكر اعمل جروب علفيس انا وواحده صحبتى بخصوص لبس البنات دا بس اتلخمت فى الامتحانات والحاجات دى زيكوا يعنى
وطبعا موضوع اللبس دا مش محتاج انى اقول رايى لان فعلا محتاج رد فعل اكتر من انه محتاج راى
اقسم بالله من كتر قرفى وخنقتى من اللبس دا حمدت ربنا ان مش عندى اخت بنت والا كنت قتلتلها بسبب الخنقه دى وان الرجاله بقوا ديوس ومش بيغيروا على بناتهم
وبتمنى انى لما اتجوز ما اخلفش بنات
مش كرها فى البنات او خايف لاحسن معرفش اربيهم
بس عشان انا محرق دمى من اللبس دا وطريقه المشى دى اخاف ااذى بنتى او اختى
يعنى انا عاوز اسال البنات
ايه لازمه اللبس اللى انتوا لابسينه اذا كان بيبين جسمكوا
ايه لازمه البودى وهو مبين ومحدد جسمك؟
ايه لازمه البنطلون اذا كان محدد كل حاجه فى جسمك؟
انا والله نفسى اعرف هما بيلبسوا كدا ليه انا مش عارف
وربنا يهدى
ومعلش يا كوكى انا طولت عليكى
وانا فعلا حاولت اختصر على اد ما اقدر وحاولت اوصل فكرتى على اد ما اقدر
وشكرا ليكى
تحياتى

بصى احنا لو اتكلمنا عن الملابس هنقول كلام كتير وفى حاجات كتيره فيها محتاجه لوقفه بجد بس فى الاغلبيه مش بياخدو بنصيحه حد مهما قولتى وتقولك الموضه بقى والكلام الفارغ ده

اللهم إنا نرغب إليك في دولة كريمة تعز بها الإسلام وأهله و تذل بها النفاق وأهله وتجعلنا فيها من الدعاة إلى طاعتك والقادة إلى سبيلك وترزقنا بها كرامة الدنيا والآخرة ، اللهم ما عرّفتنا من الحق فحملناه وما قصّرنا به فبلغناه .

لاتحسبن صمتى عن ما هو حولى جهل ولكن ما هو حولى لن يهتم لى بكلام

بص يااسلام انا اعرف بنات من شده تخلفهم بيعملوا ايه

البنات دى لما يجوا خارجين مع اهلهم تلبس البت وتنزل الشارع قبل اهلها تشترى اى حاجه من الشارع


ولو مش فى حد عاكسها اقسملك تطلع تغير الهدوم اللى لبساها والميك اب كله


عارفت دلوقتى البنات بتلبس ضيق ومبين الجسم ليه

نو كومنت عليهم وربنا يهديهم

سؤال نفسى اعرف ليه اجابه

ليه التعارف اليومين دول بقى اجبارى ؟

يعنى فى الجامعه فى الشارع فى الشغل فى اى مكان بقى المطلوب من البنت

انها تتعرف غصب عنها اللى هو مش بمزاجها

(بلطجه يعنى)

يعنى ينفع ان بنت تروح ترخم على شاب وتتعرف عليه بالعافيه حتى لو هو مش عايز؟

نفسى اعرف هيبقى شعورك ايه كاشاب

لما حد يتعرف عليك غصب عنك وانت مش طايقه؟

منتظره ردكم ورائى البنات طبعا

والله انا حاسس ان التعرف دا بقى موضه خلاص
البنت ما تعرفش تمشى الا ومعاها ولد والولد ما يعرفش يمشى الا اذا كان معاه بنت
ماتعرفيش بقى بيتمنظر ادام صحابه وفرحان ان فى واحده ماشيه معاه ولا ايه
بلنسبه بقى لحكايه ايه شعورى لما الاقى حد بيتعرف عليا وانا مش طايقه
طبعا مش هاطيقه
واهرب منه على اد ما اقدر وهاديله وش خشب زى ما بيقولوا
وشكرا اوى يا كوكى على مواضيعك دى

لا التعارف مش اجبارى الى اعرفه انى لو مش عايزة هقول لا
اما بقى الى بيحصل ده مش تعارف ده ممكن يتقال عليه موضه

عندك حق يامللك لكن انا اقصد المعاكسات الاجبارى اللى بنشوفها فى الجامعه

اللى هو تبقى قاعده فى امان اللله وتلاقى ناس بتطفل عليكى وتقومى تمشى

لكن على مين وراكى بالعافيه اخر ماتزهقى تسيبله الجامعه كلها وتمشى علشان يرتاح

والله دى فعلا بقت موضة وكتير جدا
بس انا بقى ولا كانى سمعت حاجة خالص

احسن حاجه ياملك مش ينفع معاهم الا التنفيض


سؤال اليوم


ليه الشباب بقى الاغلبيه العظمه منهم بيشربوا مخدرات؟


ممكن اعرف السبب؟

عشان اى حد عنده مشكلة دلوقتى سواء كانت عائلية او عاطفية او اجتماعية يروح يشرب مخدرات اعتقادا منه انها هتنسيه المشكلة ديه وطبعا معظم الشباب عندهم مشاكل بس مش كلهم بيفكروا بالطريقة ديه

اجابتى تقريبا زى متركس
بس دالوقتى كمان السجائر زادت اوى

سجاير ومخدرات وكل حاجه ربنا يهديهم

لكن انا شايفاها بقت موضه بين الشباب

هو مش فى غير بيسأل

اى حد عنده سؤال يقوله واحنا هنتناقش فيه

اشمعنى انا اللى بيسأل بس

ايه يا جماعة انتوا نسيتوا التوبيك دا ولا ايه ؟؟؟؟؟؟؟؟
اسئلتك جميلة اوي يا كوكي ياريت تكملي
و لما يجي في بالي اي سؤال هاقوله علي طول

طب انا عندي سؤال
ايه رأيكم في الولد اللي يصاحب بنات و اول مايعرف ان اخته تعرف ولد يبهدلها ؟؟؟؟؟؟؟؟؟
و ايه رأيكم في البنت اللي تتعرف علي ولد من غير علم اهلها ؟؟؟؟؟؟