يوميات ميدو وسعدية ------> متجدد

ميرسى يا باسم ع الحلقه
هههههههههههههههههههههههه
ده انا لو كان معايا مصباح علاء الدين
مكنتش الحلقه نزلت بسرعه كده
هههههههههههههههه
وفى انتظار الباقى

amira ahmed كتب:ميرسى يا باسم ع الحلقه
هههههههههههههههههههههههه
ده انا لو كان معايا مصباح علاء الدين
مكنتش الحلقه نزلت بسرعه كده
هههههههههههههههه
وفى انتظار الباقى

ربنا يخليكى يا قمر وع فكرة انا احسن من مصباح علاء الدين وهثبتلك هنزل 3 حلقات بعد ربع ساعة اى خدمة وكل ده عشان خاطرك يا أميرة عشان تعرفى انى اخ ع حق واحسن من المصباااااااااح ههههههههههههههههههههههههههههههه

الحلقه الخامسه عشر



وجه معاد المقابله واتقابلوا جنى وميدو فى النادى


جنى : ميدو انت بتحبنى ولا لا

ميدو : طبعا يا جنى يا حبيبتى ليه بتسالى كده

جنى : اصل انا الفتره الى فاتت دى لقيتك مهتم بسعديه دى فكرت انك بتحبها

ميدو : انا احب سعديه لا سعديه دى زى اختى وكمان سعديه مش دماغى خالص

جنى : طيب يبقى لازم نعمل خطوبه

ميدو : مش دلوقتى يا جنى بلاش استعجال احنا لسه فى اول الطريق

جنى : بصراحه كده بابا عايز يجوزنى ابن صاحبه معتبرنى صفقه من صفقاته وانت لازم تيجى تخطبنى

ميدو : مش عارف يمكن بابا ميوافقش

جنى: انت لو بتحبنى هتقنعه اتصرف بقى

ميدو : حاضر هتصرف

ميدو رجع البيت وكلم باباه فى الموضوع ميدو طبعا دلوعه ماما وبابا وافقوا من غير اى نقاش وقالوا انهم هيروحوا يتقدموا لجنى تانى يوم وطبعا ميدو اتصل بجنى وقالها وفرحت جدا وهمه لتنين مش راحوا الجامعه تانى يوم وندى وسعديه كانوا قلقانين عليهم



ندى : هو ميدو وجنى مجوش ليه

سعديه : معرفش يختى يمكن يكوانوا متواعدين وراحوا يصيعوا فى اى مكان

ندى : تصدقى بجد انا شاكه انهم كانوا متواعدين بجد لانهم امبارح اعدوا يتكلموا واحنا مروحين

سعديه : الهى يكون طسهم قطر ولا اتوبيس همه لتنين ونرتاح منهم

ندى : يا شيخه حرام عليكى استنى اما يجوا بكره ونعرف فيه ايه

سعديه : قلبى مش مطمن ربنا يستر

سعديه وندى قضوا يومهم زى العاده ومشيوا وجم تانى يوم طبعا دخلت سعديه لقت نص شباب وبنات الجامعه واقفين مع جنى وميدو وبيقولو لهم الف مبروك
سعديه ندهت على ندى وبتسالها


سعديه : ندى هو فيه ايه

ندى: تعالى باركى لميدو وجنى

سعديه : ليه همه كسبوا الدورى

ندى : اتخطبوا لبعض

سعديه جاتها حاله زهول وصمت فضلت ساكته ندى تكلمها وهى مش مركزه معاها خالص

ندى : سعديه سعديه مالك

سعديه : لا مفيش مصدعه شويه

ندى : طيب تعالى باركيلهم

سعديه : ماشى

راحت سعديه تباركلهم الهانم جنى طبعا مش لازم تعدى اليوم على خير

سعديه : الف مبروح يا جنى الف مبروك يا ميدو

ميدو : الله يبارك فيكى يا قمر عقبالك

جنى : عقبال يا سعديه شفتى ميدو جابلى ايه

سعديه : حلو

جنى : حلو ايه ده يجنن انتى ما بتفهميش فى الزوق ولا ايه

سعديه : لا بتفهمى انتى ياختى

جنى : طبعا انتى اخرك دبله صفيح من ام ربع جنيه ويجيبهالك واحد فلاح من عندكوا

سعديه : يا مسهل يارب ده يوم مفترج عليكى لمى نفسك انتى يا سحليه يا عصايه النقاريه

ميدو : جنى عيب كده بقى

ندى اخدت سعديه وراحوا الكافتريا هناك سعديه قعدت ساكته خالص


ندى: سعديه هو مالك انهرده

سعديه : مالى ايه مفيش يا بت

ندى : لا ساكته وشكلك مش طبيعى انتى زعلتى اما عرفتى ان جنى وميدو اتخطبوا

سعديه : لا يا بنتى وهزعل ليه

ندى : اوعى تكونى بتحبى ميدو

سعديه : انا لا ميدو مين الى احبه ده انا تعبانه وماشيه يلا سلام



سعديه روحت طبعا وهى مش فى حالتها الطبيعيه دخلت الاوضه وقفلت على نفسها وبدأت تحاسب نفسها وتقول
هو انا زعلت ليه كده هو انا حبيته ولا ايه
لالالالالالالالالا احب مين ده عيل تافه ورمه وملوش شخصيه
بس منكرش انى اتشديتلوا واعجبت بيه
لا اعجلى يا سعديه ده مش ليكى
بس هو طيب جوى
يا وجعه سوده ومهببه كانى حبيته بجد
يا بت اعجلى انتى جايه تتعلمى مش تحبى احترمى نفسك
وفضل حوار طويل بين سعديه ونفسها بقى وبردو حست انها حبيته واتشدت ليه



فرحتى بيكى يا سعدية
ههههههههههه

واشوفكم فى الحلقه الجايه 
على ماروح اشرب فنجان قهوه
وابقى اجى اكمل هههههههه





الحلقه السادسه عشر




سعديه بقى بعد اما روحت بيت عمها حست انها مخنوقه ومضايقه ومش عارفه تعمل اى حاجه خرجت لعمها واستاذنت منه انها تروح البلد عن اهلها تقعد 15 يوم تفك عن نفسها وتسلم على امها وابوها واخواتها اصلهم وحشوها

وفعلا عمها وصلها لمحطه القطر وركبت سعديه وروحت بلدهم وبعد اما وصلت البيت وسلمت على ابوها ومامتها واخواتها واعدت بقى تحكيلهم على مصر وكمان على الى شافته فى الرحله وهمه مندهشين بقى

وباباها عمال يوصيها بقى
الحج سليمان ابو سعديه



الحج سليمان : بت يا سعديه تاخدى بالك من نفسك ومن شباب مصر دول علشان دول جولالات خشى ولا يخافوا ربنا اوعى حد يغويكى ويضحك عليكى
سعديه : يغوينى ايه يابا دول ولا يفرجوا حاجه عن البنات مستحيل ابص لحد فيهم متخافش يابا معاك راجل
الحج سليمان : عارف يا بتى وعلشان كده امنت عليكى وسبتك تسافرى تتعلمى وحدك

وفى اثناء الحوار دخل ابن عمها اسمه محمدين
و بيحب سعديه وعايز يتجوزها

محمدين : السلام عليكم ازيكم يا جماعه
سعديه : فى سرها ( يا جاعدين يكفيكوا شر الجايين ابو الفصاد جه يادى اليوم لاسود ) اهلا يا محمدين
محمدين : ازيك يا سعديه يا بنت عمى نورتى البلد كيف احوالك
سعديه : الحمد لله يا محمدين كويسه
محمدين :ايه يا بنت عمى امتى امتحاناتك علشان نعمل فرحنا
سعديه : فرح مين انت يا ابو فرح اصوم اصوم وافطر على بصله ادى الى ناجص اخدك انت
محمدين : ليه يا سعديه هو انا بصله
سعديه : ايوه وبصله مصننه كمان وبشراشير طويله وهبله ومعفنه وريحتها وحشه كمان
محمدين : عيب كده يا سعديه تشكرى يا بت عمى بس اعملى حسابك مش هتاخدى غيرى انا

الحج سليمان ابو سعديه قاعد مش عاجبه الوضع


الحج سليمان : انتى يا بت مش هتاخدى غير ولد عمك اخرسى مش هتاخدى غير محمدين
سعديه : ومالك يابا فرحان جوى كده وانت بتجول محمدين على اساس ان الدوبل مش محمد واحد اتنين فى بعض ولا على اساس انه رئيس الوزراء
الحج سليمان : انا جولتها كلمه وهشوف كلام مين الى هيمشى

وسابها وخرج هو ومحمدين وقعدت هى ومامتها الست عطيات
الست عطيات : ايه يا سعديه التعليم خلاكى تعلى علينا يا بتى
سعديه : تعليم ايه ونيله ايه يا امه ده مش بيعرف الالف من كوز الدوره ولا حتى بيعرف يكتب اسمه
الست عطيات :ده ابن عمك وعارك يا بتى
سعديه : على اساس ان انا الراجل وهو الست عارى وهلمه بس ياما علشان انا مش ناجصه وكرهت البلد من بوزه الفجرى ده الى شبه الشبشب المجلوب ولو كلمه تانى هسيب البلد وهمشى انهرده مش هبات فيها
الست عطيات : خلاص يا بتى انا سكت اهو بس انتى لازم تراجعى نفسك ربنا يهديكى

سعديه بقى اعدت هتموت ومش طايقه اى حد وبدأت تفكر

( محمدين مين ده الى هتجوزه انا كنت بقول محمد لا طلعلى محمدين واهو كمان محمد خطب البت ام سحلول الى اسمها جنى ربنا ياخدها وجنى يركبها ولا يعرفوا يطلعوه منها بس انا مش ممكن اوافج على ابو الفصاد ده ولا يمكن اتجوزه ادى الى ناجص اخد واحد جاهل وكمان فجرى وشه يجطع الخميره من البيت انا هجدى ايامى دى على خير وعلى ما تاجى الاجازه اكون لجيت حل يلا اروح انام احسن من وشهم )



ونامت سعديه


وهنشوف ايه اللي حصل



الحلقه السابعه عشر


قضت سعديه الاجازه فى بيت اهلها وهى فى حيره مش عارفه تعمل ايه يا ترى هتوافق على محمدين ولا ترفضوا وكمان هى متقدرش توافق عليه علشان مش بتحبه وكمان متقدرش ترفضه علشان اهلها وكمان مش عارفه تعمل ايه مع ميدو يا ترى تصارحه بحبها ولا لا وهى شايفه انها غلط تقله وخصوصا ان هو خطب ومش صارحها انه بيحبها وهى طبعا طول الوقت سرحانه وبتفكر ومش عارفه تعمل ايه وبعد انتهاء الاجازه نزلت مصر علشان الامتحانات بعد اما وصلت راحت الجامعه تانى يوم وقابلت ندى وحكتلها على كل حاجه

ندى : ياااااااااه يا سعديه كل ده فى قلبك وساكته طيب انتى ليه مش قلتى لميدو انك بتحبيه او صارحتيه كان ممكن ميخطبش جنى دى

سعديه : انتى مجنونه يا بت ولا ايه انا اصارحه لا كرامتى متسمحليش

ندى : الموضوع مش كده يا بنتى هو كان ممكن يفكر فيكى ويحبك

سعديه : انتى هبله والله يا بت ده بيحب العفريته الى اسمها جنى وهو اصلا مش بيفكر فيا ولا 
باجى على باله

ندى : بس انا لاحظت انه معملته ليكى مختلفه وكمان مهتم بيكى الفتره الى فاتت دى وكمان كان بيزعل جنى علشانك

سعديه : امال ايه الى خلاه خطبها تكونش سحراله ماهى جنى بحالها تلاجيها شغلت العفريت بتوعها وسحرتله

ندى : ههههههههه والله انتى فظيعه وده وقت تهريج يابنتى فكرى هتعملى ايه فى محمدين ده كمان

سعديه : والله ايم سوده ومش عارفه حاجه جال محمدين جال هو انا طايله محمد علشان اخد محمدين دى ايام هباب

ندى : بصى انتى قولى لاهلك لا واهتمى بميدو شويه يمكن يسيب الزفته دى ويهتم بيكى انتى

سعديه : الى اهم من ده كله الامتحانات جربت ولازم اهتم بيها

ندى : اه كده كويس بس لازم تتغيرى شويه علشان ينجذب ليكى ويحبك بقى

سعديه : اتغير ازاى بجى

ندى : يا بنتى انتى اجمل من جنى دى بالف مره لو اهتميتى بنفسك شويه وباستايل لبسك 
هتبقى قمر

سعديه : موافجه بس باحترام ومخلعش الحجاب

ندى : اوك نخرج بعد المحاضرات ونشوف هنعمل ايه

وبعد اما خلصوا المحاضرات نزلوا اشتروا شويه حاجات ولبس بقى وندى غيرت استايل سعديه خالص وكمان خدتها الى بيوتى سنتر علشان تغير من شكلها ومظهرها شويه
دخلت سعديه وهى مستغربه طبعا على الى بيحصل

سعديه : بت يا ندى ايه ده

ندى : بصى هنا هنعملك ميكب وهنظبطك شويه وهخليها تعلمك ازاى تحطى ميكب لنفسك وهشتريلك ميكب خاص بيكى

سعديه : بصى يا بت بلا ميكب بلا هباب الطين ده لا انا مش اغير فى خلجتى ياختى

ندى : يا بنتى مش هتغير فى خلقتك ولا حاجه بصى دى حاجات بسيطه وهاديه اوى بصى انا حاطه اهو واضح انى حاطه حاجه

سعديه : ايوه بس مش جوى

ندى : طيب هيبقى كده مش ظاهر

سعديه : بس جوليلها والنبى يبجى خفيف جوى مبحبش الهباب ده

ندى : لا هخليها تعلمك ازاى تحطى لنفسك علشان تعملى كل يوم لوحدك

علموا سعديه ازاى تحط ميكب هادى وكمان ازاى تغير لفه طرحتها للموضه وبعد ما خلصوا الشوبنج واللفه الطويله دى روحت سعديه عند بيت عمها استغربوا طبعا للوضع الى فيه سعديه بجد بقت زى القمر وهى قمر من الاول بس مكنتش مهتتمه بنفسها

مرات عمها : ايه ده يا سعديه ايه الى انتى عملاه فى نفسك ده

سعديه : ايه يا مرات عمى شيفانى ماشيه على اربع رجلين ولا ايه ما انا زى مانا

مرات عمها : لا التغيير فى شكلك وفى لبسك انتى بقيتى قمر

سعديه : جمر بالستر يا مرات عمى ما انا جمر من زمان هو انتى حوله ولا ايه مكنتيش بتشوفى

مرات عمها: قمر اه بس بقيتى قمر 14

طبعا الكل معجب بسعديه وبالاستايل الجديد وسعديه كانت فرحانه بكده وطبعا تانى يوم صحيت الصبح بدرى وعملت الى قالتلها عليه ندى وعملت الميكب الهادى الجميل ولبست اللبس الجديد وعملت الطرحه زى ما علمتها وبقت جميله اوى وراحت الجامعه اول اما دخلت >>



مش هاقول ليكوا غير فى الحلقه الجايه

اظن كدة احسن من علاء الدين نفسه يأميرة صح هههههههههههههههههههههههههه

basem elmasry كتب:

paradise.777 كتب:

basem elmasry كتب:

paradise.777 كتب:جميلة يا باسم بجد
و يلا بقى نزلنا عشرين حلقة مرة واحدة
أنا مش طماعة هم عشرين و مش هزود
ههههههههههههههههههههههههه

هههههههههههههههههههههه
اوك حاضر والله يابنتى وحشتنى روحك الحلوة دى اووووووووى

ربنا يخليك يا باسم و أنا كمان وحشني مزاولتك جدا
مش هتجيب زكى رمضان بقى
ههههههههههههههههههههههههههههههههه

اسكنى مش زكى مات بس لومصممة حاضر هاخد منك زكى رمضان هههههههههههههههههههههه

بص يا باسم ستي و جدي الله يرحمهم يارب
أكدوا عليا إني أنا اللي تجوز عليا الزكاة
و اللي تجوز عليه الزكاة مينفعش يزكي فاهمني
و بعدين انت ماشاء الله عندك عزب و أطيان و بيوت ملك
و محلالالالالالالالالالالالالالات اللهم لا حسد يعني
ههههههههههههههههههههههههههههههههههه
بجد الحلقات جميلة جدا و رائعة تسلم إيدك يا باسم و ربنا يباركلك في المنتدى يارب

حلقات جميلة جدا

تسلم ايدك يا باسم
وفعلا انت احسن من مصباح علاء الدين ههههههههههه
يعنى المصباح هيجيبلى اخ احسن منك
ده استحاله طبعا هههههههههههه
وفى انتظار باقى الحلقات

amira ahmed كتب:تسلم ايدك يا باسم
وفعلا انت احسن من مصباح علاء الدين ههههههههههه
يعنى المصباح هيجيبلى اخ احسن منك
ده استحاله طبعا هههههههههههه
وفى انتظار باقى الحلقات

ربنا يخليكى يا احسن اخت فى الوجوود وحالا هيكون عندك الحلقات

ملك كتب:حلقات جميلة جدا

ربنا يخليكى ياملوكة يارب

الحلقة الثامنة عشرة 



اول اما دخلت سعديه الجامعه قابلت ميدو ميدو بيبصلها وبيشبه هى دى سعديه ولا لا
سعديه : صباح الخير يا محمد

ميدو : انتى سعديه صح

سعديه : ايوه سعديه يا ولا امال خيالها ولا ايه ولا يكونش العفريت بتاعها

ميدو : ايه الى انتى عملتيه فى نفسك ده

سعديه : ماله يا ولا وحش ولا ايه

ميدو : وحش ايه ده انتى بقيتى قمر فى يوم وليله كده

سعديه : انا جمر من الاول بس انت الى ما بتشوفش

ميدو : ده انتى كنتى مدفونه فى كوم قش بس بجد بجد قمر

سعديه : خلاص يا ولا هتجعد تجول جمر كده للصبح ولا ايه المحاضرات هتخلص ومش هنحضر ولا وحده يلا نشوف البت ندى وندخل المحاضره

ميدو : اوك يلا بينا

راحوا طبعا خدوا ندى ودخلوا المحاضره وبعد اما خرجوا من المحاضره لقوا طبعا الهانم جنى مستنياهم فى الكافتريا ومحضرتش المحاضره

جنى : ازيكوا يا جماعه عاملين ايه

ميدو : الحمد لله انتى اتاخرتى ليه ومحضرتيش المحاضره

جنى : معلش راحت عليا نومه بقى لانى كنت سهرانه

سعديه : هو انتى فالحه غير فى كده

جنى : بتبص اوى لسعديه
هى مين دى

سعديه : ايه يا بت مش عارفه مين دى انتى انتصيتى فى نظرك

جنى : سعديه مش معقول ايه الى عمل فيكى كده يابنتى ده مش استايلك ليه تلبسى حاجه مش ليكى

سعديه : شكلك كده موتكك على يدى وجولتهالك الف مره مش احسن من الى انتى لبساه يا ام سحلول

ميدو : ليه يا جنى دى سعديه بجد بقت قمر بقت عسوله اوى

ندى : طبعا سعديه قمر من الاول بس هو تغيير بسيط

سعديه : اصل يا بتى همه مش بيشوفوا مش بيهتموا غير بالمظاهر وانا حبيت اثبتلهم انى احسن منهم بس بردو باحترامى

ميدو : طبعا يا سعديه بجد انتى قمر من غير حاجه

جنى : طبعا متنرفزه اوى من ميدو
ومالك كده بتقول قمر وانت بتبصلها اوى كده ليه تكونش معجب بيها

ميدو : ايه يا جنى الى بتقوليه ده اعقلى

جنى : لا مش هعقل وعندك سعديه اشبع بيها

سعديه : ايه يشبع بيها دى على اساس انى ساندوتش ولا برتوجاله انتى عيله معفنه وانا سيبالك المكان بالى فيه علشان مش ارتكب جنايه

ندى : ميدو روح صالح جنى بقى وانا هروح ورى سعديه اشوفها رايحه فين

ميدو : اوك قولى لسعديه متزعلش

ندى جريت ورى سعديه

ندى : سعديه استنى

سعديه : مش هستنى ولا حاجه

ندى : بت استنى شفتى الى حصل شكله الاخ وقع على جدور رقابته

سعديه : جدور ايه وعيدان ايه ده مش بيهمه غير المظاهر انا عايزاه يحبنى لشخصى لسعديه نفسها مش لشكلها

ندى : اصبرى يا ستى وحده وحده واحنا اهم حاجه دخلنا من الباب الى بيهتم بيه وبعد كده هنخليه يحب سعديه لشخصها
طيب اما نشوف

واثناء الحوار ميدو جه هو وجنى

ميدو : يا جماعه انا عازمكوا بعد بكره عيد ميلادى
طبعا هتيجوا كلكوا الى مش هيجى هزعل

سعديه : انا مش هروح عند حد ولا عيد ميلاد ولا اى حاجه انا هزاكر عليا امتحانات

ندى : يعنى انتى عليكى امتحانات واحنا لا تعالى معانى مش هتخسرى حاجه

سعديه : انا مش مستعده لكده

ندى : يا بنتى بكره الجمعه ويوم السبت هاجى اقضى اليوم كله معاكى ونروح انا وانتى عيد الميلاد سوى ويمكن يتغير حاجه افهمى بقى

ندى : ميدو خلاص ان شاء الله احنا جايين

ميدو : خلاص اوك بس لو مش جيتوا هزعل

وقضوا اليوم وخلصوا محاضراتهم ورواحوا وجه يوم الجمعه الى سعديه اعدت تفكر فيه طول اليوم يا ترى هتعمل ايه بكره وهتلبس ايه وهتتصرف ازاى وكان يوم طويل من التفكير وجه يوم السبت ندى اتصلت بسعديه وقالتلها انا جايه علشان يجهزوا لعيد الميلاد
ونشوف بقى حصل ايه الحلقه الجاااااااااااااااااايه


انتظروووووووووووووووووووونا

الله عليك يا باسم
بجد القصه دى مشوقه جداااااااااااااااااا
ومستنيه الجاااااايه

nona_albanota كتب:الله عليك يا باسم
بجد القصه دى مشوقه جداااااااااااااااااا
ومستنيه الجاااااايه

باذن الله ياقمر مش هتأخر بيها

وطبعا مش قادر اوصف سعادتى قد ايه ان القصة دى عجبتك بجد

الحلقات جميلة يا باسم و مشوقة جدا
تسلم إيدك بجد و منتظرة الباقي و بسرعة بقى

هههههههههههههه
حلوه حركه جنى دى احسن ان ميدو سمع
جميله يا باسم

ههههههههههههه
كمل يا باسم
جنى دى عايزة الضرب بالنار
هههههههههههههههههههه

كمل يا مااااان

شكرا ليكم ياحبايبى والحمد لله انها عجبتكم

حبيبى كمل مافيش حلقه جايه
دى بتاعتى انا اشوفكم فى الحلقه الجايه
هههههههههههههههههههه
كمل يا حبيبى كمل يا ضنايا

كمل يا مااااااان
تسلم ايدك والله يا باسم

نايس يا باسم استمر يا كبير

تسلم ايدك يا بروف
وربنه يقويك على الباقى
دى سعديه ديه متعبه اوى

فين الباقى يا باسم؟؟؟

كملها بقى