اه يابلد

اه يابلد

اه يابلد كلك بلى وقطران
مريض ماشى يسند على مرضان
واخده سند اصله تعبان
فى مرضه غريق بيبحث عن
............الشوطئان

اه يابلد كلك كدب وغش
والناس فيكى بمليون وش
رغى وحوارات ودش فى دش
شب عضالات غاوى منظرة
.............وهو هش

اه يابلد كلك تنطيط
وكله بيعيش ويظيط
خناقات وشتيمة وألفاظ
.................تيت

اه يابلد كلك تنفيض
والحقد فيكى بيكفى ويفيض
الاخ فيكى بيكره اخوه
والابن بينكر خير ابوه

اه يابلد كلك تمثيل
وكله للتقليد بيميل
نسيوا اخرتهم ومشيوا
........مع فتن الجيل

اه يابلد كلك شهوات
شبابك مسقط بنطلونات
وبناتك مضيقة الباديهات
وبيتباهوا بعدد المعاكسات

اه يابلد منك زهقان
ونفسى اعيش ساعة روقان
والاقى الحب فى كل مكان
نفسى الاقى شعبك فرحان
وملاقيش حد منهم تعبان
ولا اقولك سلام يابلد
.............التوهان


من تأليفى يارب تعجبكم