مشكله العنوسه

ازيكوا يا جماعه دلوقتى انا عايز اتكلم فحاجه طبعا فى الفترة الاخيره دى زاد اوى الكلام عن العنوسه وطبعا مسلسل عايزة اتجوز ونزل كتب اسمها كيف تصطادين عريسا واتعمل برامج ازاى تدهولى عريس وتتجوزيه؟؟؟ مشعارف ليه كل السلبيات دى وليه مرخصين بناتنا اوى كدا كاننا حاطنهم فى خيمه عبيد ومستنين اللى يجى يشترى منهم انا مش بقلل ولا بكبر من شأن البنات بس بجد بقت حاجه مستفزة كل شويه كيف تصطادين عريسا؟ مش عارف ايه والامهات الله عليهم البسى ضيق وقصير يا بنتى وبينى ال..... وماتحرميش الشباب من حاجه يمكن واحد مغفل تعجبيه ويتجوزك مش عارف ايه الهبل اللى بقينا فيه دا انا مش هاقول دى مشكله صغيرة لا هى كبيرة وكبيرة اوى لان مع زياده نسبه العنوسه هايزيد التحرش اكتر واكتر فى المققابل هايزيد الاغتصاب وبعدين نلاقى شويه شويه فتحوا بيوت...... فاهى مشكله كبيرة بس مش حلها فى كيف تصطادين عريسا يعنى دلوقتى ما اان بحب وبموت فحبيبتى وهى كمان ونفسى اخطبها دلوقتى قبل كمان شويه بس منين؟؟؟؟ اولا انا مش شغال ولما دورت ملقتش ولما لقيت اشتغلت بكام؟؟ ب 500 جنيه؟؟؟ هايعملولى ايه دول دا كفايه مصاريفى واظن كمان ان تقريبا تلات تربعكوا دا اذا كنش كلكوا مرتبط وبيحب بس فين المشكله المشكله فى انه مافيش فلوس الاب يقول لازم شقه ودلوقتى مافيش شقق اقل من 100.000 طب على ما يتجاب المبلغ دا هاخد كام سنه؟؟؟ ولسه فى شبكه وفرح وخطوبه وعفش وليله كبيرة طب ماهو مافيش فلوس والطماطم بقت ب 10 جنيه الناس هاتجيب منين عشان تاكل لما رايحين يدوروا على عرسان انا بصراحه ملخص كلامى دا انه بلاش وملهوش لازم كل الضجه بتاعه العنوسه دى لان المشكله مش فى انك تجيبى عريس المشكله فى هل معاه اللى يجهزة ولا لا يعنى والله انا قولت للى بحبها دى اول ماتخشى جامعه السنه الجايه اسقطى سنتين ولا حاجه اكون سافرت ولحقت اعمل حاجه غير كدا مقدرش اوعدك اوى واخدين بالكوا من نظريتى قولولى هل انا صح ولا اناغلطان ومش بشوف
ومعلش طولت عليكوا وشكرا

كلامك صح يا اسلام هيه اصلا يا جماعه مش مسابقه وكل واحده تلحلقها عريس اهم حاجه انهم يكونوا بيحبوا بعض علشان تبقا ضامنه انها هتعيش معاه سعيده ما ممكن البنت تتجوز وهيه صغيره وعريس كويس واهلها يكونوا شيفينه كويس ويطلع عينها ويكرهها في الدنيا.
بعدين تعاله قارن بقي العنوسه و الواحده قاعده في بيت اهلها محترمه ولا متجوزه وواحد مكفرها وكمان ساعتها اهلها اللي كانوا مستعجلين دول مش هيقدروا يقلوا نص كلمه ويبقا اسمهم باعوا بنتهم

موضوع كويس يااسلام

المشكله بقى ان الاهل مش بيفكروا زينا هما كل همهم

انهم يجوزا بنتهم وخلاص اشمعنى بنت فلانه اتجوزت وبنتى لسه

وشغل نفسنا نطمن عليكى قبل مانموت والكلام ده

هما صح الى حدا ما

واحنا كمان صح لان من حقنا نختار الانسان اللى هكمل معاه حياتنا


حتى لو هنستناه كذا سنه


وبلاش تقولها تسقط على منتا تجهز نفسك بالعكس شجعها تنجح

وتخلص وتشتغل وتساعدك لان الزمن ده لازم مساعده الطرفين


واصلا من الصح ان البنت تتجوز فى سن كبير علشان يكون تفكرها اتغير

وتعرف تعقل الامور ويعنى ايه مسئوليه وبيت واطفال


الحكايه مش مجرد انها تلبس الفستان الابيض والاسم متجوزه

الحمدلله انكوا متفين معايا لانى كنت خايف يكون تفكيرى غلط او متعصب شويه لان بجد زياده الموضوع دا استفزنى اوى
مش حكايه يا كوكى اخليها تسقط بس انا اقصد انى الحق اكون عملت حاجه بمعنى اصح اعيشها عيشه مرتاحه بمعنى مش لازم اول ما نتجوز يبقى فى عربيه بس على الاقل يبقى شقه ملك ويبقى ناقص شويه صغيرين على العربيه فهمانى اقصد ايه؟؟؟ انا كل هدفى والله انى اعيشها احلى عيشه ومخليش نفسها فحاجه
ماهو فعلا ممكن اخليها تشتغل ونساعد بعض بس برضو مش هاتبقى زى ما اكون مجهز نفسى قبلها
وشكرا ليكوا يا جماعه ولوجه نظر كل واحد فيكو