ليه كده بس يا سمسم امال بقه لو سمعت نكتتى اللى بحب اقولها اوى بس اضحك الاول يا سمسم متنساش
مره اتنين صعايد ماشيين مع بعض واحد منهم بيقول للتانى شايف الست اللى ماشيه هناك ديه التانى قالو اه فبيقوله الست ديه بتضرب جوزها كل يوم بالشبشب قالوه يا راجل !!! وانت عرفت منين؟؟؟ قالوه ماهى مرتى
جميله اوى يا سمسم والنكت ديه بقه منى ليكو واضحكو بقه قبل النكته زى ماتعودنا
1-واحد حب يوصل بلده بسرعة ركب القطر وقعد يجرى فيه
2-اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.
3-الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة
4-صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب
5-واحد غبى ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل عشان يدور عليه
يا رب تكون عجبتكم النكت قولولى ايه رايكم فى النكت ديه. ماشى؟
طيب قولولى ايه رايكم فى 10 نكت ديه كمان يا رب تعجبكو
1-واحدة تقول لزوجها..؟ إيه رأيك تدبح خروفين بمناسبة مرور 10 سنوات على زواجنا..؟ قال زوجها..؟ وايه ذنب الخروفين في غلطة ارتكبها حمار!!؟
2-محشش بيقول لأخوه : تخيل تقوم الصبح وتلاقي نفسك ميت ؟ قالو : والله لااتجنن
3-واحد حرامى سرق باب من واحد مسطول ...... فالمسطول قعد يجرى ورا الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
4-واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه
5-مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقالوله : احنا الناس التانين .. طاااااااااخ ....... اااااااى
6-امريكي وهندي وصعيدي تاهوا في الصحراء ولقو الخاتم السحري ولهم 3 طلبات الامريكي طلب يرجع لأمريكا والهندي طلب يرجع للهند اما الصعيدي فشاف نفسه وحيد في الصحراء فطلب انهم يرجعوله تانى
7-مره واحد كان بيملىء انبوبه غاز وقال لأمه ادعيلى. قالتله :روح يابنى ربنه يفتحها فى وشك
8-واحدة صعيدية رماها زوجها من الدور الثالت طلعتله وقالتله بلاش الهزار التقيل ده
9-واحد صعيدى بيهزر مع مراته فقرصها بزراديه
10-مرة واحد بقول لواحد صاحبه:الحق التعبان دخل اودة حماتك قاله سيبه يستاهل
11-واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق......
معلش انا طولت عليكو اوى بس يا رب يكون بفايده وتعجبكم
شكرا اوى يا سمسم انت وهند وانشاء الله هاجبلكم نكت تانى قريب بس انا عندى كام واحده بس صغيرين انهرده
1-دكتور اسنان كان مصاحب شله وخلع منها
2-مرة دكتور تحاليل أمه ماتت قال : تحاليلى يا أمه
3-مرة واحد خد مراته حديقة الحيوانات و صورها جنب قفص القرود و علق الصورة فى الصالون و كتب تحت الصورة هذه صورة مراتى مع القرود ملحوظه مراتى الثالثه على اليمين..
4-مره عيل صعيدى المدير طرده من المدرسه..الواد راح جاب ابوه ورجع فقاله: ليش طردت ولدى من المدرسه؟؟ .. قاله: ابنك غبى وهاثبتلك : ياولد روح دور عليه راح الولد ورجع تانى فبيقوله : ما لقيتك قال المدير :شفت .. فقال الاب للولد :روح دور كويس يمكن تلاقيه.......
5-واحد صعيدى مكلف بتفجير نفسه بين الاسرائيلين.. راح عمل بروفا بين اهله قبلها بيومين...
·مرة واحد عينوه مدير ملجأ أيتام أول قرار أخده اجتماعلأولياء الأمور · واحد ومراته متخانقين فبطلوا يكلموا بعض فكتب ورقة صحيني الساعة ستة ونص علشان عندي شغل، وحطالورق على السرير ونام.. صحي الساعة عشرة فلقى ورقه مكتوب عليها الساعة ستة ونص يلاأصحى. · صعيدي قالوله بكره عيد الحب قال: يوووه أيه الورطة دي! وده صلاته أزي · سكران ماسك الفرخة بتاعته. قاعد يضرب فيها يضرب فيها ويقولها: كل يوم بيض بيض مافيش جبنه
حلوين اوى النكت ديه يا هند وانت يا اسلام قديم اوى بس بصراحه فى منتهى الجمال تسلم ايدك يا معلم ايوه كده فكرنا بأيام زمان ايام ما كنا عيال انا عندى نكته واحده انهرده يا رب تعجبكم 1 - مره واحد كان شاكك فى مراته وشك كمان ان عياله دول مش عياله فأخذ عياله وراح للشيخ وقاله يا شيخ انا شاكك فى مراتى انها بتخونى والعيال دول مش عيالى والشك هيقتلنى .. قولى اعمل ايه يا شيخ.. انجدنى قاله : خد ولادك وروح على البحر وارسم دايره كبيـــره ونام فيها انت وعيالك .. اللى هايفضل جوه الدايره يبقى حلال واللى بره الدايره يبقى ابن حرام.. راح الزوج وعمل كده وصحى تانى يوم لقى نفسه هوه والعيال بره الدايره فقال : قومو يا عيال .. الظاهر انها خربانه من ايام جدكم...
الثلاثاء مايو 19, 2015 12:17 pm من طرف Eman Mousa
» السى دى بتاع فيلم Step Up 2 اغانى جامده جدا
الخميس أبريل 16, 2015 5:05 am من طرف siam
» محاسب مالى دولى IFAمن EGAA GROUP
الثلاثاء مارس 31, 2015 6:37 pm من طرف ايجا عباسية
» لكى تعرف تتعامل مع البرامج المحاسبيه
الثلاثاء مارس 31, 2015 1:28 pm من طرف ayayoyo
» التدريب من اجل التوظيف
الثلاثاء مارس 31, 2015 1:26 pm من طرف ayayoyo
» التدريب من اجل التوظيف
الثلاثاء مارس 31, 2015 1:24 pm من طرف Aya Egaa
» محاسب مالى دولى IFAمن EGAA GROUP
الأحد مارس 29, 2015 8:39 pm من طرف ايجا عباسية
» Training Accountant من المجموعة المصرية للمحاسبة والمراجعة
الخميس مارس 26, 2015 6:46 pm من طرف ايجا عباسية
» Training Accountant من المجموعة المصرية للمحاسبة والمراجعة
الخميس مارس 26, 2015 6:43 pm من طرف ايجا عباسية
» محاسب مالى دولى IFA من المجموعة المصرية للمحاسبة
الخميس مارس 19, 2015 8:04 pm من طرف ايجا عباسية