يلا بسرعه ادخلوا التحقيق؟؟؟؟؟؟؟؟؟؟؟

koooke_koooke كتب:ممكن تجاوبوا على هذه الاسئله

يالا نبتدى:
1:اسمك الحقيقى؟

على ما اظن باسم المصرى



2:هل لك هدف فى الحياه؟اذا كانت الاجابه بنعم فما هو؟

هدفى خدمة حبايبى الطلبة اللى بجد بنسى مشاكلى معاهم



3: من اقرب انسان لديك؟ولماذا؟

اقرب انسان ليا كل اللى حواليا لانى مقتنع جدا انى مدام اخترتهم يكونو معايا يبقو فعلا اهل ثقة وانا بطبيعتى بحب الكل



4:ما الشىء الذى يعجبك فى شخصيتك؟والشىء الذى لا يعجبك؟

اللى بعجبنى فى شخصيتى حب الناس ليها واحترامى لنفسى
واللى مش بيعجبنى فيها عصبيتى وتسرعى الجامد اوى



5: كم مره انضربت وانت صغير ؟ وكم مره وانت كبير؟

وانا صغير كتيييييييييييير بس من باباوده خلانى اطلع راجل
الحمد لله

وانا كبير مرتين بس وكانت فى مشاكل كدة وكنت بلاقى نفسى خير اللهم اجله خير بحارب الكفار لوحدى فلازم اضرب يعنى هههههه
بس بطلع راجل برضو لانى ببقى معور منهم ناس هو اه مايساويش الضرب اللى خدته بس يكفينى انى لوحدى وعملت كدة



6: قول موقف محرج اتعرضتله؟

الموقف المحرج بل المؤسف انى فى يوم كنت فى الجامعة ومعايا القلب الخاشع ولقيت بنت بتبصلى جامد فقولت لمحمد مين دى ياعم يمكن بنت من اللى اتخانقنا بسببها فى عربية ولا حاجة (لان احنا فعلا والله اى مضايقات من الشباب للبنات فى العربيات بنقوم نتخانق على طول) المهم قالى لا قولتله اومال مين قالى تلاقيها حد من شباب تجارة وواخد باله من صورتك وبيشبه قولتله لا ياعم انا حاسس انى شوفتها قبل كدة المهم هى عمالة تشاور لصحابها عليا وتضحك قولت اشطة بقى السنارة خمزت وهنصتاد جنية النهارده فرايح بقى وهازز طولى وداخل بقى عليها وبترسم فهى لقيتى مقرب منها قامت وقفت وبتقرب منى فقولت لمحمد اشطة يابا دى جاية هى وصحابها يبقى كدة الشغل ايه بقى المهم قومت واقف قدامها كدة وقولتلها على فكرة انا شوفتك قبل كدة تخيلو الرد كان ايه
هل شتيمة طبعا لا

طب تكشير ياريت

طب ضريتنى بالقلم كان يبقى كرم من ربنا

طب ايه ياعم قالتلك ايه

قالتلى على فكرة انا بنت عمك!!!!!!!!!!!!!!!!!!

اه والله طلعت قريبتى ابوها يبقى ابن عم بابا
وبقالى كتير مش شوفتها بس هى اصغر منى بكتير
وفى سنة تانية ناو وانا مش كنت اعرف تخيلو بقى
الموقف لقيت محمد اترمى جنبى وفضل يضحك وصحابها سخسخو على الاخر من كتر الضحك وانا وشى جاب الوان الطيييييييف بس.



7: هل انت صادق مع نفسك؟

اولا اللى يقول انه صادق مع نفسه جدا يبقى كداب ومنافق وانا اسف لكدة.
ثانيا انا صادق مع نفسى اللى حد ما وارجو من الله ان اكون صادق اللى القدر الذى يرضى الله عليا.



8:هل تستخدم الشات؟

اه بس مع زمايلى بس انما لموضوع التعارف والنظام ده لا والله وربنا يولع فكل واحد او واحد بيدخلو الشات للتعارف والتسلية

وما هو هدفك بصراحه؟

ان اتجوز الاول لان ده اكتر هدف قرب ميعاد تحقيقه
وبعد كدة اتخرج واتوظف بقى وكدة يعنى



9:ما سبب استخدامك هذا الاسم فى المنتدى؟

نعمل ايه بقى القدر والنصيب ههههههههه




10:من افضل شخص عندك فى المنتدى وبصراحه؟

كل الناس بس الاكتر بجد هو ماتريكس لانه انتيمى الوحيد





:هل يوجد لديك نقد على هذا المنتدى؟
واذا كانت الاجابه بنعم فما هو؟

طبعا نفسى يغيرو مدير المنتدى ده اللى خنقنا من اول السنة دا شب رخم اوى.



واخيرا لو فاضل حاجه فى نفسك وعايز تقولها وانا مسالتهاش قول ما تكسفش كل حاجه متاحه هنا

بجد نفسى افضل معاكو على طووووووووووووووول اوى



يارب الموضوع يععجبكوا


وهعرف من اللى هيجاوب

طبعا ياكوكى موضوع تحفة بجد والله