مقال هام جدا يازملكوية

نادى الزمالك هو من اعطى الكرة المصرية شرعيتها من خلال فتح ابوابه امام الشباب المصرى للعب الكرة وبالتحديد الكابتن حسين حجازى اعظم كباتن الكرة المصرية وكابتن الزمالك
( المختلط)

وبعدها ازداد اقبال الشباب المصرى على التصدى للانجليز ولو عن طريق كرة القدم
واول من وقف ضد الانجليز فى اتحاد اللعبة هو عضو الزمالك الممثل له فى الاتحاد
وان الاهلى اشترك بعد الزمالك بسنة فى دورى المناطق اقتناعا بصحة موقف الزمالك وبالنسبة كمان لحكاية الوطنية الاهلى كان اول رئيس له مستر ميشيل انس الانجليزى وليس سعد زغلول

وكمان نقول ان الاهلى نادى الوطنية رفض السماح للاسماعيلى اللعب بملعبه فى الوقت نفسه توجه للزمالك فوافق على الفور بل واعطاه لاعبين من الزمالك للاشتراك فى بطولة افريقيا معه اشهرهم النجم طه بصرى وكفايه وطنيه
اما البطولات فالكلام لاينتهى من انسحاب الاهلى وهو اكثر من انسحب واولهم 1955 امام نادى الترام وحينها كانت اللوائح تقول بهبوط الاهلى ولكن الفساد والاهواء يمنع تطبيق العدالة لان الاهلى فوقها والمره التانية كانت امام الزمالك فى ملعب حلمى زامورا فى الستينات حين كان الزمالك فائزا بهدفين واذ بجمهور الاهلى يحطم ويشعل النار فى ملعب واستاد الزمالك اعتراضا على الهزيمة المستحقة واذ باتحاد الكرة يلغى المباراة رغم ان الزمالك وجمهوره لم يرتكبوا اى شئ سوى الفوز على الاهلى

وكالعادة لم يطبق اتحاد الكوسة اى عقوبة على الاهلى لان الاهلى فوق القانون والمرة التالتة ينسحب الاهلى كانت 1971 امام الزمالك فى الدورى وفاز الزمالك 2_1 ولكن مروان حارس الاهلى قبل انتهاء المباراة احدث شغبا كبيرا بالتعاون مع جماهير ناديه ليلغى اتحاد الكرة الموسم كله رغم تصدر الزمالك للدورى

والمرة الرابعه كانت 1987 لما انسحب الاهلى امام المحلة وكان مهزوما بهدف وكانت اللوائح تقتضى وقتها هبوطه ولكن الاهلى والفساد فوق القانون ويصدر المجلس الاعلى قرارا بحل الاتحاد النزيه بدلا من هبوط الاهلى

يا سيدى على العدالة اما 1982 فصورة من بطولات الاهلى عندما الغى هدفا للزمالك فى الاهلى اجمع الاعمى قبل البصير انه هدفا صحيحا اقول كمان ولا كفايه دة بالنسبة للدورى
اما الكاس فلا يقل فضائح واشهرهم هدف علاء ميهوب المتسلل بوضوح فى المصرى نهائى كاس 1984

اما عن النتائج فالاهلى هزم من الزمالك 6 _0 مرتين الاولى 1942 والتانية 1944 نهائى الكاس اللى بيغطوا عليها بحجة الفرقة كانت فى فلسطين طيب و1942 كانت فين الفرقة وغير الزمالك فيه السكة الحديد اللى اللى فاز على الاهلى 6 -0 فى الستينات وسمى بعدها بالستة الحديد والترسانة اللى فازت فى الخمسينات على الاهلى 6_2 وفى الستينات فازت الترسانة على الاهلى 5- 1 مرتين الخ

وهذا بالنسبة للاهلى و اسباب الفوز الغير شرعى اقل القليل اما الزمالك ففى 1978 فاز على المحلة 1 صفر الى ان حدث شغب من جمهور المحلة فالغى الحكم المباراة لتحتسب 2 صفر للزمالك شرعا وقانونا ويفوز الزمالك بالدورى بسبب هذه المباراة التى يستحقها وليس بمساعدة تحكيم او اتحاد كرة اما البطولات الافريقية فان الفوز بضربات الجزاء ليس عيبا او اختراع زمالكاوى وبالمنطق والعقل يعتبر الزمالك البطل الافريقى الاول لان الاهلى بحكم فوزه الكثير (الغير شرعى) بالدورى فهو الاكثر اشتراكا فى افريقيا ورغم ذالك فالفارق بطولة واحدة لصالحه (الزمالك5 والاهلى 6)

والزمالك اول من احتفظ بكاس السوبر الافريقى والوحيد الفائز بالافرواسيوى مرتين والزمالك اول نادى عربى وافريقى يحصل على لقب افضل فريق فى العالم 2002 او 2003 والزمالك كل بطولاته لا توجد بها شبهة تحكيم او مجاملة

وحتى وان لم يفوز الزمالك فيكفى انه زمالك نجيب محفوظ واحمد زويل واحمد مظهر شكرى سرحان ود مجدى يعقوب ويكفى ان الاهلى حين اختار شخصا يتشرف به لاحتفالية المئوية اختار العالم المصرى العالمى الزمالكاوى د احمد زويل

وفى النهاية اقول الاهلى نادى كبير وعريق رغم الجانب السلبى فى تاريخه ويمكنه ان يفوز بالبطولات ولكن ليس بهذا العدد ولديه شخصيات مشرفة ولكن يعيب اغلب جماهيره التعصب الشديد فانا لى اخ اهلوى ولا اقبل ان يسبه احد ونريد مباراة كأس حقيقية ومنافسة شريفة وتشجيع مثالى فنحن ابناء وطن واحد واخوة وتحياتى للجميع

بجد معلومات حلوة قوة يا باسم
عارف أنا ليا اتنين أصحاب بنات واحدة زملكاوية و التانية أهلوية
لو تشوفهم و هم بيتكلموا على الأهلي و الزمالك
تلاقيهم زي الديوك بالظبط و بحس انهم شوية و هيضربوا بعض
ههههههههههههههههه
و ساعات ببقى لازم أتدخل و أفكرهم انهم أصحاب
ولازم كلنا يكون عندنا روح رياضية و ميبقاش الموضوع بتعصب كدة